ការទទួលទានអាហារពេលព្រឹកគឺជារឿងដ៏សំខាន់បំផុតមួយរបស់មនុស្សយើងគ្រប់គ្នា ព្រោះវាគឺជាអាហារដំបូងបំផុតប្រចាំថ្ងៃ​បន្ទាប់ពីទុកពោះទំនេរចោលអស់រយៈពេលមួយយប់។​ ការមិនទទួលទានអាហារពេលព្រឹកគឺផ្ដល់ហានិភ័យយ៉ាងខ្លាំងមកដល់រាងកាយមនុស្សយើងដូចជា​ ងាយរងការកើតជំងឺផ្សេងៗ​ ការចុះខ្សោយនៃខួរក្បាល​​​ និងថាមពល​ ឆាប់មួរម៉ៅ​ តានតឹងអារម្មណ៍ជាដើម។ ក្នុងនោះផងដែរ ការទទួលទានអាហារពេលព្រឹកដោយមិនបានជ្រើសរើសយកអាហារដែលត្រឹមត្រូវក៏មិនអាចផ្ដល់ប្រយោជន៍គ្រប់គ្រាន់ដល់រាងកាយរបស់យើងដែរ។ ដូចនេះ​​អត្ថបទនេះនឹងរៀបរាប់ប្រាប់លោកអ្នកអំពីអាហារពេលព្រឹកទាំង ៥ មុខដែលលោកអ្នកគួរទទួលទាន៖​

១. គ្រាប់ស្រូវសាឡី​ (Oatmeal)

គ្រាប់ស្រូវសាឡី​ផ្ទុកនូវសារធាតុចិញ្ចឹមល្អៗសម្រាប់សារពាង្គកាយរបស់លោកអ្នកជាច្រើនដូចជា​​ បេតាគ្លុយកង់ (Beta Glucan) ដែលជាជាតិសរសៃ (Fiber) ជួយធ្វើឲ្យលោកអ្នកឆ្អែតបានយូរ និងមិនធ្វើឲ្យឡើងគីឡូនោះទេ​ ព្រមទាំងជួយកាត់បន្ថយជាតិកូឡេសស្តេរ៉ុល​ (Cholesterol) នៅក្នុងសរសៃឈាម។

២.​​ ស៊ុត​

ស៊ុត គឺជាអាហារពេលព្រឹកដ៏សំខាន់មួយព្រោះនៅក្នុងស៊ុតមានផ្ទុកនូវសារធាតុចិញ្ចឹម និងប្រូតេអ៊ីនខ្ពស់និងជំនួយដល់ការលូតលាស់ដល់រាងកាយ ព្រមទាំងផ្ទុកនូវជាតិកូឡេសស្តេរ៉ុល​ (Cholesterol) ទាបដែលមិនធ្វើឲ្យប៉ះពាល់ដល់សុខភាពរបស់លោកអ្នក។

៣.​​​ កាហ្វេគ្មានជាតិស្ករ និងគ្រីម

កាហ្វេ គឺជា​​​ភេសជ្ជៈដែលមនុស្សស្ទើរគ្រប់រូបទទួលទាន​ ជាពិសេសនៅពេលព្រឹក។​ ការទទួលទានកាហ្វេក្នុងបរិមាណតិចជារៀងរាល់ថ្ងៃជួយឲ្យលោកអ្នកចៀសវាងនូវជំងឺទឹកនោមផ្អែមបានផងដែរ។​ ប៉ុន្តែការថែមស្ករឬគ្រីមនៅក្នុងកាហ្វេច្រើនពេកអាចបណ្ដាលឲ្យជាតិស្ករនៅក្នុងខ្លួនរបស់លោកអ្នកកើនឡើង ដែលជាហេតុនៃជំងឺទឹកនោមផ្អែម។

៤.​ តែបៃតង

តែបៃតងផ្ទុកនូវសារធាតុប្រឆាំងអុកស៊ីតកម្ម និងជួយដុតបំផ្លាញជាតិខ្លាញ់​នៅក្នុងពោះ អាចជួយដល់លោកអ្នកក្នុងការសម្រកទម្ងន់បានផងដែរ។

៥. ផ្លែប៊ឺរី (Berries)

 ផ្លែប៊ឺរី (Berries) មានដូចជា ប៊្លូប៊ឺរី​ (Blueberry),​ ស្ត្រូប៊ឺរី​​ (Strawberry),​ រ៉េសប៊ឺរី​​​ (Raspberry),​ ប្លេកប៊ឺរី​ (Blackberry) ផ្ទុកនូវសារធាតុកាឡូរី (Calorie) ទាប និងមានជាតិសរសៃ (Fiber) ខ្ពស់ជួយប្រឆាំងនឹងជំងឺគាំងបេះដូងបានយ៉ាងល្អ ។

សូមដោនឡូត GrandMed App ឥឡូវនេះ ដើម្បីណាត់ជួបវេជ្ជបណ្ឌិតជំនាញ !
1. ដោនឡូតអេប សំរាប់ទូរស័ព្ទ Iphone
https://apps.apple.com/nz/app/grandmed/id1592706175
2. ដោនឡូតអេប សំរាប់ទូរស័ព្ទ Samsung
https://play.google.com/store/apps/details?id=com.grandMed